Running News

Friday 1 January 2016

பரிந்துரையா?பரிகாசமா ?

  பரிந்துரையா?பரிகாசமா ?
 ஊதியகுழுவே ! உனக்கென்ன 
ஊழியர்கள் மேல் இத்தனை  கோபம் 
வரங்களை கேட்டால் சாபங்களை தந்திருகிறாயே    !
வட்டியில்லா    அலவன்சுகளை  எல்லாம் 
வெட்டி மகிழ்ந்திருக்கிறாயே !
பொட்டி பொட்டியாய் கொட்டி கொடுத்தோம் என 
பெட்டி கடைதோறும் புலம்ப வைத்திருக்கிறாயே !
தொழிலாளிகளுக்கு அளந்து கொடு 
அய்யாக்களுக்கு  அள்ளிகொடு --இதுதானே 
சம்பளகுழுவின் சாஸ்திரம் --எப்படி 
கூட்டினாலும் கூடவில்லை -ஊதியக்குழுவின் சூத்திரம் 
ஆண்டு உயர்வும் சமமாக இல்லையே!
ஆளைபார்த்துத்தான் அடுத்தது என்றால் -மீண்டும்
 ஆண்டான் அடிமை பிறக்காதா ?
புதைக்கப்பட்ட பிரபுத்துவம்  முளைக்காதா?
கோடி  கோடியாய் சேர்பவருக்கு வரிச் சலுகை 
ஓடி தேடி பிளைப்பவனுக்கு வரி கொடுமை 
பழைய அரசாவது தொழிலாளியின் வியர்வையை குடித்தது 
புதிய அரசோ உதிரத்தையும் சேர்த்து உறிஞ்சுகிறது 
மாத்துரார் கணக்கிலும் பிழை இருக்கிறது --அதை 
மாற்றுவதில்தான் நம் பிழைப்பு இருக்கிறது 
மாற்றிடவேண்டும்  என குரல் ஒலிக்கிறது
மறுபடியும் களம் காண அழைப்பு வந்திருக்கிறது 
பரிந்துரையா? பரிகாசமா ? பரிசளிப்பா ? பரிதவிப்பா ?
Matrix மாயஜாலம் அதிகாரிகளுக்கு கை கொடுத்தது 
அடிமட்ட   ஊழியர்களை  கை  விட்டது 
அடிமாட்டுக்கு காட்டுகிற இரக்கம் -ஏனோ 
அரசு ஊழியர்கள் மேல் இல்லையே !   
                                 --- ஜேக்கப்ராஜ் ----
( 2016 நெல்லை கோட்ட டைரியில் இருந்து )


No comments:

Post a Comment